Waxaa saakay aroornimadii  ay dagaalo ka dhaceen degmooyinka Shibis ,C/casiis, iyo kaaraan oo ka mid ah degmooyinka waqooyiga Muqdisho kuwaasoo dhexmaray kooxaha ka soo horjeeda DFKMG iyo ciidamada Dowladda. dagaaladan oo ay dhinac socdeen madaafic  iyo duqeymo culus oo ay inta badan ridayeen ciidamada AMISOM ee ku sugan M/Muqdisho.

Dagaaladaasi ayaa inta badan galaaftay dad rayid ah ah oo ay haleehsay madaafiic haboow ahi kuwaaso ahaa dadkii ku sugnaa degmooyinkaas kuwaasoo illaalo ka ahaa guryaha faaruqa ah waxaana wararku ay sheegayaan in madaafiicdaasi iyo rasaastaba ay ku nafwaayeen illlaa iyo shan ruux halka tobaneeyo kalena ay ku dhaawacmeen sida ay sheegen Darawalada Gaadiidka Gurmadka .

Mareykanka oo sheegay in ay ka qayb qaadan doonto howlgalada dagaal ee ay DFKMG qorsheyneyso

Abaanduulaha ciidamada Mareeykanka ee geeska Afrikada Bari ayaa shaaciyay in ciidamada Mareeykanku ay ka qayb qaadan doonaan howlagalada la filaayo in ciidamada DFKMG ee soomaaliya ay ku baacsan doonaan kooxaha ka soo hojeeda dowladda  gaar haan M/Muqdisho iyo qaar ka mid ah Gobolada kkonfureed soomaaliya.

General William oo qaar ka mid warbaahinta caalamka ka hadlay ayaa sheegay in ay ka goan tahay in ay ka qayb qaadan doonaan howlagalada lagula dagaalayo kooxaha xag jirka ah waa sida uu hadalka u yiriye. Hadalka Jenraalkan ka soo yeeray ayaa ku soo beegantay xilli  guuxa diyaaradaha waaweyn nooca loo yaqaan [IC] ay cabsi xooggan ku abuureen dadka ku dhaqan Gobolka Banaadir oo dhan.

Guud ahaan  waxaa gobolka banaadir laga dareemayaa dhaqdhaqaaaq ciidan oo ay wadaan ciidamada Dowladda iyo kuwa AMISOM ,balse inta badan dadku  ay aminsan yihiin in uu dhici doono dagaalo culus oo faraha looga gubto xilli uu khilaaf ka jiro labada urur ee xizbul islaam iyo alshabaab taasoo u muuqat in ay awoodooda ku wiiqmeeyso khilaafkaasi soo kala dhex galay.