Maamulka Puntland oo eedeeymo u soo jeediyay maraakiibta shisheeye ee illaalada ka ah xeebaha soomaaliya

Wasiirka kallumeysiga iyo kheyraadka Badda ee Maamul Goboleedka Puntland Maxamed Faarax oo saakay ka hadlay qaar ka mid warbahinta Muqdisho ayaa sheegay in Maraakiibta shisheeye ee ilaalalada ka ah xeebaha soomaliya ay yihiin kuwa u yimid in ay fushadaan danahooda gaarka ah , sidoo kale waxaa uu ku eedeeyay inaysan wax howlo ah ka hayn xeebah soomaliya hawlgalkoodana uu yahay mid been guur ah.

Gabgabadii ayaa waxaa uu sheegay in in ka badan 26 markab ay ogyihiin in ay ka howlgalaan xeebaha soomaliya haddana maalin walb ay burcad badeedku qafaashaan maraakiib hor leh taasoo u muuqata qolo waliba inay wadato howlo iyada u gaar ah loona baahan yahay in caalamka uu wax ka bedelo arimahasi ka socda xeebaha soomliaya .

Dagaalo saakay waabarigii ka dhacay EX koontorool degmada Afgooye

Dagaalo socday qaddar daqiiqado ah ayaa waxaa uu saaka waabarigii ku  dhexmaray ciidamo kawada tirsan  ciidamo Dowladda FKMG ee soomaaliya ee fariisinka ku leh EX koontorool degmada Afgooye iyo Muqdisho.
wararka  aanu halkaas ka helnay ayaa waxa ay sheegayaan in iska horimaadkaasi uu salka ku hayo ka dib markii qaar ka mid ah ciidamadaasi ay isku dayeen inay dhac u geeystaan gawaari rakaab ah oo halkaasi maryay.

Dad goob joogayaal oo ay la xiriirtay  shabakadda warbaahinta BARAAWEPOST ayaa u sheegay  in is rasaaseeyntaasi ay ku nafwaayeen labo ruux oo rakaab ah oo gaarigaasi la socday iyadoo labo kalena uu dhaawac soo gaaray.