WARARKA BARAAWEPOST Sabti 2 june 2012 

 

 

 

Shirkii Istanbul oo shalay soo dhamaaday iyo madaxweyne Shariif oo gaaray Dalka Tanzania

Shirkii loogu talagalay in lagu wadahadaalsiiyo kooxaha iyo shaqsiyaadka muhiimka ah ee ay ka go´do talada dalka Soomaaliya auaa shalay galab lagu soo gabagabeeyay Dalka Turkiga.

         

Gabagabadii shirka ayaa waxaa halkaas laga aqriyaya warmurtiyeed ka kooban illaa iyo 41 qodob kuwaasoo kala ah:-

1.   -In La Tixgelinayo Madaxbanaanida,Sharafta iyo Midnimada Umadda Soomaaliyeed.

 

2.   -In Nabad dhab ah laga sameeyo Soomaaliya ayadoo Shacabka Soomaaliyeed ay raadinayaan dib u heshiisiin,nabadeyn iyo Xiriir Siyaasadeed si loo helo Dowlad wadajir ah oo Soomaaliya oo dhan mateli karta.

 

 

3.   -In Beesha Caalamka ay rajo wanaagsan u yeeshay waxqabadkii Dowladda ee Sanadkii lasoo dhaafay oo Marxaladdo adag lagusoo shaqeeyey islamarkaana horumar laga sameeyey dhinacyada Ammaanka, Siyaasadda,bani aadannimada iyo Dib U Heshiisiinta.

 

4.   - Mas’uuliyadda koowaad ee sidii xal loogu heli lahaa Soomaaliya waxaa leh Soomaalida beesha Caalamkuna way ku taageerayaan.

 

 

5.   -In la xasuusto shirkii London oo aad iyo aad muhiim u ahaa arimmo badanna lagu gaaray.

 

6.   -In lasoo afjaro Xiliga KMG 20-August-2012 sida ku cad Kampala Accord,Road-Map,Garowe Principles iyo Addis Ababa.

 

 

7.   -In Beesha Caalamku ay si deg deg ah u fuliyaan dhammaanba Ballanqaadyadii ay horey u ballan qaadeen si loo helo markii Odayaasha Dhaqanku ay Muqdisho ku laabtaan ay soo xulaan ergadii Ansixin laheyd Dastuurka iyo Baarlamaanka Cusub.

 

8.   -In Soomaalida lagu ammaanay sida ay u ilaalinayaan xuquuqda Haweenka ayadoo golaha ansixintana 30%haween ay yihiin.

 

 

9.   -In Shirka Istanbul uusoo dhaweynayo iney si KMG ah u ansixiyaan Dastuurka.

 

10.             -In Shirka Istanbul uu taageerayo in shacbiga Soomaaliyeed laga talageliyo Dastuurka ayagana ay xaq u leeyihiin.

 

 

11.             - Baarlamaanku Cusub inuu noqdo mid loosoo xulo si cadaan ah oo aanay mugdi ku jirin.

 

12.             -In Doorashada Madaxweynaha iyo Gudoomiyaha Baarlamaanka aanan laga dib dhigi Karin waqtigooda.

 

 

13.             - Shirka Istanbul wuzuu soo dhaweynayaa go’aankii Bishii May kasoo baxay IGAD,AU iyo Q.M ee ku aadanaa in cidii ka hortimaada hanaanka hada socda loo aqoonsanayo qaswadeyaal(Spoilers) ayadoo Shirkanna uu hoosta ka xariiqayo kooxahaasi in laga qaado talaabooyin adag.

 

14.             -In Beesha Caalamka looga baahanyahay iney taageeraan qabsoomida Wadahadallada   dhexmaraya DFKMG iyo Somaliland.

 

 

15.             -Kasoo qeybgalayaashu waxey aad iyo aad u eegeen in Siyaasadda cusub ee hada dhalaneyso loo baahanyahay hay’adaha lasoo dhisayo iney noqdaan kuwo Soomaalida oo dhan wada meteli kara.

 

16.             -Shirkan wuxuu tixgelinayaa arrimaha Xuquuqul Insaanka ayadoo Soomaalidana laga doonayo iney texgeliyaan dhowrid Xuquuqda Aadanaha.

 

 

17.             -In La helo dib u heshiisiin dhab ah oo Soomaalida dhexdeeda umadduna is cafiso sida dalal badan oo Caalamka ah ka dhacday.

 

18.             -Waa inay bilaabataa wixii ka dambeeya August 20-2012 barnaamijyo cusub oo dib loogusoo celinayo dhismaha hay’adaha Dowliga taasi oo sii ambaqaadeysa qodobada ku xusan Road-Mapka.

 

 

19.             -In Lasoo Celiyo dib u dhiskii dalka ayadoo dhammaanna Hay’adaha Ammaanka loo helayo tasaaliidkii ay u baahnaayeen laguna Xoojiyo.

 

20.             -In Xaga Tababarrada laga taageero Ciidammada Soomaaliya sida ay hada bilowday Dowladda Turkiga.

 

 

21.             -In La Sameeyo Ciidammo si gaar ah u tababaran oo dadka iyo Dalka Ammaankooda sugi kara.

 

22.             -In Lagu ammaanay AMISOM howlaha ay xaga Amniga ka wadaan iyo sido kale Dowladihii saaciday oo ay ka mid yihiin Mareykanka iyo Midowga Yurub.

 

 

23.             -In Dowladihii horey u balan qaaday iney Soomaaliya usoo dirayaan Ciidammo ka mid noqda AMISOM ay si deg deg ah usoo dhameystiraan Ciidammadii ay ballan qaadeen.

 

24.             -In Laga hortago dhammaanba wixii keeni kara Carqalad.

 

 

25.             -In Dowladda Soomaaliya iyo Beesha Caalamkaba ay noqdaan kuwo ka wada shaqeeya sii xoojinta Hay’adaha Amniga.

 

26.             -In La Dhiso amaba dib u habeyn lagu sameeyo Hay’adihii Sharciga sida Maxkamadaha.

 

 

27.             -Shirkan wuxuu si Wadajir uga soo horjeesanayaa falalka Argigixisanimo,Dagaallada iyo Xuquuqul Insaanka oo lagu tunto wuxuuna dhiirigelinayaa sidii Beesha Caalamku arrimahaasi oo dhan ugasoo wada horjeesan laheyd.

 

28.             -Shirkan wuxuu Cambaareynayaa in Carruurta loo adeegsado dagaallada ayadoo la askareeynayo

 

 

29.             -Shirkan wuxuu u arkaa la dagaalanka Burcad Badeeda Xalka guud ee lagula dagaalami karo inuu yahay in Burcad Badeeda lagala dagaalamo Berriga.

 

30.             -In Soomaalidu ay si guud uga wada shaqeeyso Xasilinta ayadoo laga hortagayo in Al-Shabaab iyo Al-Qaeda fursad loo siiyo iney kusoo laabtaan deegaannadii laga xoreeyey.

 

 

31.             -Shirkaan wuxuu ku ammaanayaa Dowladda hirgelinta Maamullada deegaannadii laga saaray Al-Shabaab ayadoo Beesha Caalamkana ay arimahaasi Dowladda ku taageereyso.

 

32.             -In Beesha Caalamku ay tixgeliso habab amni loogu sameynkaro goobahaas la xoreeyey si hanaanka maamul uu usii shaqeeyo.

 

 

33.             -In La sameeyo Sanduuq Dhaqaale oo sii dedejiya fulinta ayadoo Caalamku si wadajir ah uga qeyb qaaadanayaan  Arrimahan taasi oo loo arko mid ka duwan sidii Caalamku horey ugu taageeri jirey Soomaaliya.

 

34.             -In Loo baahanyahay in la sii wado gargaarka la siinayo dadka Barakacayaasha.

 

 

35.             -In la aqoonsado iney Soomaaliya hada galeyso marxalad cusub oo ah kasoo kabashada dhaqaalaha loona baahanyahay in lagu taageero oo lagu garab galo.

 

36.             -In xooga la saaro dib u dhiska dalka ayadoo si gaar ah looga soo kabanayo burburkii dagaallada gaar ahaan guryaha ku yaala Caasimadda.

 

 

37.             -In la hirgeliyo mashaariic biyo gelin ah taasi oo qeyb ka ah mashaariicda Horumarineed.

 

38.             -In Dowladda iyo hay’adaha gaarka ah iska kaashadaan xaga maalgelinta iyo horumarinta howlaha.

 

 

39.             -In Shirkan uusoo dhaweynayo Wadahadalada Socda ee lagu sameynayo Hay’ad Dhaqaalle oo ka wada dhaxeysa Dowladda iyo Caalamka ayadoo Wadahadaladaasina si deg deg ah loosoo dhaweynayo.

 

40.             -In Shirka iyo Beesha Caalamkuba ay taageerayaan sidii Soomaalida ay Dhaqaalahooda u maamulan lahaayeen

 

 

41.             Fulinta qodobadan waxaa u xilsaaran Mas’uuliyadeeda Koowaadna leh dowladda Turkiga ayadoo beesha Caalamkana ay arintaasi gacan ka geysan doonaan.

 

 

Xog-hayaha guud ee Qaramada Midoobey Ban Ki-Moon oo haddal jeediyay shirka Muqstaqbalka Soomaaliya ee Istanbul ka dhacay kaddib, ayaa sheegay in Soomaaliya ay u  baahan tahay ciidammo qalabeysan oo ammaanka dalka la wareega ka hor inta aysan ciidammada AMISOM ka bixin Soomaaliya, si Mustaqbalka Soomaaliya uu u noqdo mid dheeli tiran.

Madaxweynaha Jamhuuriyadda Soomaliya Mudane Shariif Sheekh Axmed iyo Wafdi uu hoggaaminayo ayaa galabta gaaray magaalada Daarusalaam ee dalka Tanzania.

Madaxweynaha Soomaaliya Sheekh Shariif Sheekh Axmed iyo wafdi uu Hoggaaminayo ayaa markii ay gaareen dalka Tanzania waxaa si diirran Ugu soo dhoweeyay madaxa sar sare ee wadanka Tanzania.

Madaxweyne Shariif ayaa waxaa socdaalkiisa ku wehliya R/wasaare ku Xigeenka ahna wasiirka gaashaandhigga Xuseen Carab Ciise, wasiirka Arrimaha dibadda C/llaahi Xaaji Xasan, Wasiirka haweenka iyo Daryeelka qoyska Marwo Maryam Aweys Jaamac iyo mas’uuliyiin kale, Waxaana garoonka diyaaradaha daarusalaam si diirran ugu soo Dhoweeyay mas’uuliyiin k atirsan dowladda Tanzania iyo Safaaradda Soomaalida ee Dalkaasi.

Booqashada Madaxweynaha iyo wafdigiisa ayaa ka dambeysay kadib Markii uu casuumaad rasmi ah ka helay Dhiggiisa dalka Tanzania jakaaya kiguweeti. 

 

  

Shabakadda warbaahinta ee Baraawepost  Muqdisho Somalia webmaster@baraawepost.com